శ్రీనువైట్ల‌కు హీరో దొరికాడు!

డైర‌క్ట‌ర్లు విజ‌యాల్లో ఉన్న‌పుడు వారు హీరోల‌కు దొర‌క‌రు, వారే రెండు ఫ్లాప్ సినిమాలు తీస్తే చాలు, సీన్ రివ‌ర్స్ అయి, వాళ్లే హీరోల‌ను వెతుక్కోవాల్సి ఉంటుంది. ఆగ‌డు, బ్రూస్‌లీల ప‌రాజ‌యం త‌రువాత‌ శ్రీను వైట్ల ఆచితూచి అడుగులు వేయాల్సిన ప‌రిస్థితి ఏర్ప‌డింది. పేరున్న హీరోలంతా ఆయ‌నకు మొహం చాటేసిన‌ట్టే ఉంది. పెద్దా చిన్నా హీరోలంద‌రూ రెండుమూడు సినిమాల వ‌ర‌కు ద‌ర్శ‌కుల‌కు డేట్లు ఇచ్చేసిన నేప‌థ్యంలో అత‌నికిప్పుడు రామ్ మాత్ర‌మే మిగిలాడు. ఇంత‌కుముందు ఈ ఇద్ద‌రి కాంబినేష‌న్లో వ‌చ్చిన రెడీ సినిమా హిట్ట‌య్యింది. రామ్ కూడా కొన్ని ఫ్లాఫుల త‌రువాత ఎట్ట‌కేల‌కు నేను శైలజ‌తో హ‌మ్మ‌య్య అని ఊపిరి పీల్చుకున్నాడు. రామ్‌ని క‌లిసి శ్రీను వైట్ల క‌థ‌లు వినిపించిన‌ట్టు స‌మాచారం. రామ్, వైట్ల‌తో క‌లిసి ప‌నిచేసేందుకు అంగీక‌రించాడ‌ని, త్వ‌ర‌లో వీరిద్ద‌రి ప్రాజెక్టు ప‌ట్టాలెక్క‌నున్న‌ట్టుగా తెలుస్తోంది. ఎవ‌రు ఎవ‌రికి విజ‌యం తెచ్చిపెడ‌తారో తెలియ‌ని ప‌రిస్థితుల్లో ఉన్న ఈ ఇద్ద‌రు క‌లిసి, ఎనిమిదేళ్ల క్రితం రెడీతో న‌మోదు చేసిన విజయాన్ని తిరిగి అందుకుంటారో లేదో చూడాలి.