దానంపై ఉప్పల్‌లో దాడి

గ్రేటర్ కాంగ్రెస్‌లో మరోసారి వర్గవిభేదాలు భగ్గుమన్నాయి. దానం నాగేందర్‌పై మరో కాంగ్రెస్ నేత, రంగారెడ్డి డీసీసీ అధ్యక్షుడు మల్లేష్‌గౌడ్ అనుచరులు చేయి చేసుకున్నారు. హైదరాబాద్‌ ఉప్పల్‌లో కాంగ్రెస్ ఆవిర్భావ దినోత్సవ వేడుక సందర్భంగా ఈ ఘటన జరిగింది. తొలుత మల్లేష్‌ గౌడ్ జెండా ఎగురవేయగా… అనంతరం ఆ జెండాను దించివేసి దానం నాగేందర్‌ మరోసారి ఎగురవేశారు. దీనిపై మల్లేష్‌ గౌడ్ వర్గీయులు అభ్యంతరం వ్యక్తం చేశారు. దానంతో గొడవ పడ్డారు. అది కాస్త తీవ్రమై దానంపై మల్లేష్‌గౌడ్ వర్గీయులు చేయి చేసుకున్నారు. కోడిగుడ్లతో దాడి చేశారు. దానంతో పాటు ఆయన వర్గీయులను మల్లేష్‌ గౌడ్ వర్గీయులు అక్కడి నుంచి తరిమివేశారు. దానం మాత్రం తనపై ఎలాంటి దాడి జరగలేదని చెబుతున్నారు.