లంచం తీసుకుంటా... అభివృద్ధికి వెచ్చిస్తా: జేసీ
అవినీతికి పాల్పడి ఆ నిధుల్ని అభివృద్ధికి వెచ్చిస్తే తప్పేంటని ప్రశ్నించారు తాడిపత్రి ఎమ్మెల్యే జేసీ ప్రభాకరరెడ్డి. ఆది నుంచి వివాదాస్పద వ్యాఖ్యలు చేయడంలో జేసీ బ్రదర్స్‌ తీరే వేరు. తాజాగా చేసిన ఈ వ్యాఖ్యల ద్వారా కొత్త వివాదానికి తెర తీశారు ఆయన. ‘ఇప్పటి వరకు నేను కాంట్రాక్టర్ల నుంచి పర్సెంటేజీలు తీసుకోలేదు. ఇక నుంచి తీసుకుంటా. డీడీల రూపంలో సేకరిస్తా. తీసుకున్నదంతా నియోజకవర్గ అభివృద్ధికే వెచ్చిస్తా’ మీకేమన్నా అభ్యంతరమా అని నేరుగా విలేఖరులనే ప్రశ్నించారాయన. ఇప్పటి […]
అవినీతికి పాల్పడి ఆ నిధుల్ని అభివృద్ధికి వెచ్చిస్తే తప్పేంటని ప్రశ్నించారు తాడిపత్రి ఎమ్మెల్యే జేసీ ప్రభాకరరెడ్డి. ఆది నుంచి వివాదాస్పద వ్యాఖ్యలు చేయడంలో జేసీ బ్రదర్స్‌ తీరే వేరు. తాజాగా చేసిన ఈ వ్యాఖ్యల ద్వారా కొత్త వివాదానికి తెర తీశారు ఆయన. ‘ఇప్పటి వరకు నేను కాంట్రాక్టర్ల నుంచి పర్సెంటేజీలు తీసుకోలేదు. ఇక నుంచి తీసుకుంటా. డీడీల రూపంలో సేకరిస్తా. తీసుకున్నదంతా నియోజకవర్గ అభివృద్ధికే వెచ్చిస్తా’ మీకేమన్నా అభ్యంతరమా అని నేరుగా విలేఖరులనే ప్రశ్నించారాయన. ఇప్పటి వరకు పర్సెంటేజీలు తీసు కుంటున్న వారంతా తమ జేబులు నింపు కుంటున్నారే తప్ప ఆ సొమ్మును ప్రజోపయోగ పనుల కోసం ఏమాత్రం వినియోగించడం లేదని అన్నారు. దీనికి భిన్నంగా తాను తీసుకునే పర్సెంటేజీలను అభివృద్ధి పనులకే వినియోగిస్తానన్నారు. అంతేగాకుండా తాను తీసుకున్న డబ్బులకు లెక్కలు కూడా ఆయా కాంట్రాక్టర్లకు తెలియజేస్తా నన్నారు. కేంద్ర, రాష్ట్ర ప్రభుత్వాల వద్ద తగినన్ని నిధులు లేని ప్రస్తుత పరిస్థితుల్లో అభివృద్ధి పనులు చేయాలంటే ఏదో ఒకటి చేయక తప్పదన్నారు.
