వయసుకు మించిన పాత్రచేస్తున్న రకుల్...

బన్నీ హీరోగా తెరకెక్కుతున్న చిత్రం సరైనోడు. బోయపాటి శ్రీను దర్శకత్వంలో వస్తున్న ఈ సినిమాలో రకుల్ ప్రీత్ సింగ్, క్యాథరీనా హీరోయిన్లుగా నటిస్తున్నారు. ఈ సినిమాకు సంబంధించి ఇప్పుడో ప్రచారం ఇండస్ట్రీలో హల్ చల్ చేస్తోంది. పొలిటికల్ బ్యాక్ డ్రాప్ లో వస్తున్న ఈ సినిమాలో రకుల్ ప్రీత్ సింగ్ ఎమ్మెల్యేగా కనిపించనుందనే రూమర్ నడుస్తోంది. ఆమె వయసు చిన్నదే అయినప్పటికీ.. ఎమ్మెల్యే పాత్రను బాగా పండిస్తోందని కూడా అంటున్నారు. మరోవైపు ఈ సినిమాలో సీనియర్ నటులు సాయికుమార్, శ్రీకాంత్ కూడా కీలకపాత్రలు పోషిస్తున్నారు. తమిళ్ లో ఎన్ని హిట్ సినిమాల్లో నటించిన ఆది పినిశెట్టి ఈ సినిమాలో బన్నీకి విలన్ గా కనిపించబోతున్నాడు. ఇలా ఎన్నో ప్రత్యేకతలతో తెరకెక్కుతున్న సరైనోడు సినిమాకు సంబంధించి ఇప్పుడు రకుల్ క్యారెక్టర్ పై కూడా ప్రచారం జరుగుతోంది. దీనికి స్పందించడానికి బన్నీ నిరాకరించాడు. రుద్రమదేవి ప్రమోషన్ లో ఉన్న అల్లు అర్జున్ దగ్గర మీడియా ఈ విషయాన్ని ప్రస్తావిస్తే స్పందించడానికి నిరాకరించాడు బన్నీ.