చెర్రీ ని డైలమాలోకి నెట్టిన అఖిల్

రామ్ చరణ్ హీరోగా నటిస్తున్నబ్రూస్ లీ సినిమా షూటింగ్ మొత్తం పూర్తిచేసుకుంది. తాజాగా ఆడియో ఫంక్షన్ ను కూడా గ్రాండ్ గా నిర్వహించారు. అదే వేడుకపై థియేట్రికల్ ట్రయిలర్ కూడా విడుదల చేశారు. కొన్ని సాంగ్ బిట్స్ కూడా లాంచ్ చేశారు. అంతా బాగానే ఉంది కానీ బ్రూస్ లీ సినిమా విడుదలపై మాత్రం యూనిట్ ఇంకా క్లారిటీకి వచ్చినట్టు కనిపించలేదు. ఎందుకంటే.. ఆడియో ఫంక్షన్ లో ఎక్కడా విడుదల తేదీ ప్రస్తావన రాలేదు. చివరికి విడుదల చేసిన థియేట్రికల్ ట్రయిలర్ లో కూడా రిలీజ్ డేట్ ను ప్రస్తావించలేదు. దీంతో అసలు బ్రూస్ లీ సినిమా ఈనెల 16న థియేటర్లలోకి వస్తుందా అనే అనుమానం అందర్నీ వేధిస్తోంది. అయితే ప్రస్తుతానికి సినిమా యూనిట్ మాత్రం చెప్పిన టైమ్ కే థియేటర్లలోకి వస్తామంటోంది. మరోవైపు ట్రేడ్ పండిట్స్ మాత్రం రుద్రమదేవి విడుదలైన తర్వాతే బ్రూస్ లీ విడుదలపై క్లారిటీ వస్తుందంటున్నారు. ఒకవేళ బ్రూస్ లీ కనుక చెప్పిన టైమ్ కు విడుదల కాకపోతే.. ఆ తర్వాత అఖిల్ సినిమా రిలీజ్ ఉంది. దీంతో థియేటర్ల కొరత మరింతగా పెరుగుతుంది. ఈ విషయాలన్నీ దృష్టిలో పెట్టుకొని బ్రూస్ లీకి రిలీజ్ డేట్ ఫిక్స్ చేస్తారు.