హిందీ దృశ్యంలో ఆ సీన్ కు కత్తెర..?

తెలుగు,తమిళ,మలయాళ భాషల్లో సూపర్ హిట్టయిన దృశ్యం సినిమా ప్రస్తుతం హిందీలో కూడా రీమేక్ అవుతున్న విషయం అందరికీ తెలిసిందే. అజయ్ దేవగన్-శ్రియ హీరోహీరోయిన్లుగా నటించిన ఈ ఫ్యామిలీ థ్రిల్లర్ మూవీ షూటింగ్ పూర్తిచేసుకొని సెన్సార్ కు వెళ్లింది. అయితే సౌత్ లో జరిగినంత సాఫీగా హిందీ వెర్షన్ కు సెన్సార్ ఫార్మాలిటీస్ పూర్తికాలేదు. ఈ సినిమాకు కొన్ని కట్స్ చెప్పింది సెన్సార్ బోర్డు. సినిమాలో అత్యంత కీలకమైన సన్నివేశాలకే కత్తెర వేసింది. ఇవే సన్నివేశాలు తెలుగు వెర్షన్ లో మాత్రం యాథతథంగా ఉన్నాయి. కానీ హిందీ రీమేక్ కు వచ్చేసరికి మాత్రం సెన్సార్ బోర్డు కత్తెర బయటకుతీసింది. ఆ సన్నివేశాల్ని తొలిగించాల్సిందే అంటూ ఆదేశాలు జారీచేసింది. తెలుగు వెర్షన్ లో పోలీస్ ఆఫీసర్ హీరోయిన్ మీనా చెంపను ఛెల్లుమనిపిస్తాడు. అదే సీన్ హిందీలో కూడా పెట్టారు.కానీ ఆ సన్నివేశాన్ని సెన్సార్ బోర్డ్ అంగీకరించలేదు. మహిళలను కించపరిచే విధంగా ఎలాంటి సన్నివేశాలు ఉండడానికి వీల్లేదంటూ ఆ సీన్ ను కత్తిరించింది. బోర్డు నిర్ణయంపై సినిమా యూనిట్ కూడా సానుకూలంగా స్పందించింది. సినిమాలో కీలకమైన సన్నివేశమే అయినప్పటికీ, మహిళల మనోభావాల్ని దృష్టిలో పెట్టుకొని ఒప్పుకుంది.