ఏపీలో అతి పెద్ద క్రీస్తు విగ్రహం..

నెల్లూరు జిల్లాలో 30 అడుగుల ఏసుక్రీస్తు విగ్రహాన్ని ఏర్పాటు చేశారు. ఇది బ్రెజిల్ లోని రియోడిజినెరోలో ఉన్న విగ్రహం తరహాలో ఉంటుంది. ఆంధ్రప్రదేశ్‌లో ఇదే అతి పెద్ద ఏసుక్రీస్తు విగ్రహం అవుతుంది. ఈ విగ్రహాన్ని వైఎంసీఏ మైదాన ప్రాంగణంలో వీఆర్ పీజీ కళాశాల ముందు ఏర్పాటు చేశారు. పూర్తిగా ఫైబర్‌తో తయారు చేసిన ఈ విగ్రహం 20 అడుగుల ఎత్తు, టన్ను బరువు ఉంటుంది. గుడ్ ఫ్రైడే కానుకగా క్ర్తైస్తవుల కోసం ఈ విగ్రహాన్ని ఏర్పాటు చేస్తున్నట్లు మాజీ శాసనసభ సభ్యుడు ఆనం వివేకానందరెడ్డి తెలిపారు. బ్రెజిల్‌లో ఉన్న ఏసు ప్రభువును చూపించాలనే ఉద్దేశంతోనే ఈ విగ్రహాన్ని ఏర్పాటు చేశామని, విగ్రహం తయారీకి 15 లక్షల వరకు ఖర్చయిందని ఆనం తెలిపారు. గుడ్ ప్రైడే రోజు ఆయ‌న శిలువ మోసి క్రీస్తు ప‌ట్ల త‌న‌కున్న భ‌క్తిభావాన్ని చాటుకున్నారు.-పీఆర్‌