విటమిన్ బీ12 లోపిస్తుందేమో ఇలా చెక్ చేసుకోండి!

బీ12 అనేది శరీరం సహజంగా ఉత్పత్తి చేసుకునే విటమిన్. అందుకే చాలామందిలో ఈ విటమిన్ ఎక్కువగా లోపిస్తుంటుంది. శరీరంలో బీ12 లోపించిందనడానికి సంకేతాలు ఏంటి? లోపాన్ని ఎలా అధిగమించాలో ఇప్పుడు చూద్దాం.

బీ12 లోపం కారణంగా నరాలు బలహీనపడతాయి. తద్వారా కాళ్లు, చేతులు వణకడం లేదా తిమ్మిర్లు పట్టడం వంటి లక్షణాలు కనిపిస్తాయి. ఇలాంటి లక్షణాలను గుర్తిస్తే.. అది విటమిన్ బీ12 లోపంగా అనుమానించొచ్చు.

బీ12 విటమిన్ లోపించినప్పుడు శరీర మెటబాలిక్ రేట్ తగ్గిపోతుంది. తద్వారా తరచుగా అలసటకు లోనవుతుంటారు.

శరీరంలో బీ12 లోపిస్తే ఎర్ర రక్త కణాల ఉత్పత్తి తగ్గుతుంది. తద్వారా చర్మం రంగు మారుతుంది. పెదవులు పొడిబారడం, చర్మం లేత పసుపు రంగులోకి మారడం వంటి లక్షణాలు కనిపిస్తాయి.

ఎముకల ఆరోగ్యానికి విటమిన్ బీ12 చాలా అవసరం. అందుకే బీ12 లోపించినప్పుడు తరచుగా కీళ్లనొప్పులు, మెడ నొప్పి, వెన్ను నొప్పి వంటివి కలుగుతాయి.

బీ12 లోపంతో ఎర్ర రక్త కణాలు తగ్గిపోవడం కారణంగా గుండెకు రక్త సరఫరా తగ్గి హార్ట్ రేట్ పెరుగుతుంది. తరచుగా గుండె దడగా అనిపిస్తుంటే అది బీ12 లోపంగా అనుమానించొచ్చు.

బీ12 లోపాన్ని అధిగమించడం కోసం చేపలు, మాంసం, పెరుగు, గుడ్లు, ఆకుకూరలు, యాపిల్, అరటి వంటివి ఎక్కువగా తినాలి. రోజూ కొంత సేపు ఎండలో నిల్చోవాలి.