ప్రయాగ్‌రాజ్‌లో జరుగుతున్న మహాకుంభమేళాలో ఇప్పటివరకు పుణ్యస్నానాలు చేసిన వారి సంఖ్య 30 కోట్లు దాటిందని యూపీ ప్రభుత్వం ఒక ప్రకటనలో తెలిపింది. కుంభమేళా మొదలైన ఈ నెల 13 నుంచి 31వ తేదీవరకు 30 కోట్లకు పైగా భక్తులు త్రివేణి సంగమంలో పుణ్యస్నానాలు ఆచరించారని పేర్కొన్నది. ఇవాళ ఉదయం 8 గంటల వరకే మరో 43 లక్షల మంది పవిత్ర స్నానాలు చేసినట్లు వెల్లడించింది. ఘాట్ల వద్ద పరిస్థితికి సంబంధించిన డ్రోన్‌ దృశ్యాలను యోగి ప్రభుత్వం విడుదల చేసింది.
