ఐకాన్ స్టార్ అల్లు అర్జున్ హీరోగా సుకుమార్ తెరకెక్కించిన ‘పుష్ప- 2 ట్రైలర్ విడుదల చేశారు. బీహార్‌లో పాట్నాలో అల్లు అర్జున్ అభిమాన సంద్రం మధ్య ఆదివారం సాయంత్రం విడుదల చేశారు. పుష్పరాజ్ పాత్రలో అల్లు అర్జున్ యాక్టింగ్, డైలగ్స్ అదిరిపోయాయి. మరోవైపు రష్మిక మందన్న లుక్ అదిరిపోయింది. డిసెంబర్ 5న ఈ సినిమా రిలీజ్ కానుంది. శ్రీవల్లిగా రష్మిక, భన్వర్ సింగ్ షెకావత్‌గా ఫహాద్ ఫాజిల్ నట విశ్వరూపం చూపించారు.
కొన్ని కొత్త పాత్రలను కూడా ట్రైలర్‌లో రివీల్ చేశారు.‘పుష్ప 2’ క్రేజ్ సెగ బాలీవుడ్ సినిమాలకు కూడా తాకింది. ‘పుష్ప 2’ దెబ్బకు థియేటర్లు దొరక్క డిసెంబర్ 6వ తేదీన విడుదల కావాల్సిన ‘ఛావా’ సినిమా వాయిదా పడింది. విక్కీ కౌశల్, రష్మిక మందన్న ఈ సినిమాలో జంటగా నటిస్తున్నారు. మరాఠీ యోధుడు ఛత్రపతి శివాజీ పాత్రలో విక్కీ కౌశల్ నటిస్తున్నారు. భారతీయ సినిమా చరిత్రలోనే నెవ్వర్ బిఫోర్ అనే స్థాయిలో బిజినెస్‌ను ‘పుష్ప 2’ చేసింది. 100 కాదు, 200 కాదు ఏకంగా రూ.1000 కోట్ల ప్రీ రిలీజ్ బిజినెస్ మార్కును టచ్ చేసింది. ఇందులో థియేట్రికల్ రెవిన్యూ రూ.650 కోట్ల వరకు కాగా, నాన్ థియేట్రికల్ వాల్యూ రూ.420 కోట్ల వరకు ఉంది. నాన్ థియేట్రికల్ రెవిన్యూ ఆలిండియా రికార్డ్ అని మేకర్స్ ఇప్పటికే మీడియా సమావేశంలో తెలిపారు.
