పొడిచింది మీవాడే..! కాదు మీవాడే
హంతకుడు మీ పార్టీ అంటే, కాదు మీ పార్టీ అంటూ ఇరు వర్గాలు సోషల్ మీడియాలో గొడవకు దిగడం మరింత ఆందోళనకరంగా మారింది.
![పొడిచింది మీవాడే..! కాదు మీవాడే పొడిచింది మీవాడే..! కాదు మీవాడే](https://www.teluguglobal.com/h-upload/2024/07/18/1345214-1.webp)
చనిపోయింది రషీద్..
చంపింది జిలానీ..
అది సరిపోదు, అంతకు మించి అంటున్నారు సోషల్ మీడియాలో టీడీపీ, వైసీపీ ఫాలోవర్లు. హంతకుడు జిలానీ మీ పార్టీ వాడంటే, కాదు మీ పార్టీ వాడంటూ సాక్ష్యాధారాలు సేకరిస్తున్నారు. అందరూ చూస్తుండగా నడిరోడ్డుపై జరిగిన హత్య భయాందోళనలకు కారణం అవుతుంటే.. హంతకుడు మీ పార్టీ అంటే, కాదు మీ పార్టీ అంటూ ఇరు వర్గాలు సోషల్ మీడియాలో గొడవకు దిగడం మరింత ఆందోళనకరంగా మారింది.
హత్య జరిగిన వెంటనే అది రాజకీయ ప్రతీకార హత్య అంటూ సోషల్ మీడియాలో వీడియోలు అప్ లోడ్ అయ్యాయి. వైసీపీ సానుభూతిపరుడిని టీడీపీ కార్యకర్త హత్య చేశాడంటూ ట్వీట్లు పడ్డాయి. ఆ తర్వాత కాసేపటికి పోలీస్ అధికారుల వివరణ బయటకొచ్చింది. వారిద్దరి మధ్య పాత కక్షలు ఉన్నాయని, అది వ్యక్తిగత దాడి అని పోలీసులు స్పష్టం చేశారు.
వినుకొండ వైసీపీ మైనారిటీ సెల్ నేత షేక్ జిలానీ, వైసీపీలో తిరిగే షేక్ రషీద్ని వ్యక్తిగత కక్షలతో దాడి చేసి చంపేసాడు.
— Telugu Desam Party (@JaiTDP) July 18, 2024
పల్నాడులో శాంతిభద్రతలు విఘాతం కలిగిస్తే, కఠినమైన చర్యలు తీసుకుంటామని హెచ్చరించిన పల్నాడు ఎస్పీ.#AndhraPradesh pic.twitter.com/78VdzZ3TGw
వైసీపీ కూడా వెనక్కు తగ్గలేదు. నిందితుడు జిలానీ పాత ఫొటోలను బయటకు తీసింది. టీడీపీ నేతలతో జిలానీ కలసి ఉన్న ఫొటోలు, టీడీపీ కండువాలు వేసి ఆయన దిగిన ఫొటోలు సోషల్ మీడియాలో వైరల్ అయ్యాయి.
మరీ ఇంత నీచమా @JaiTDP? ఇలా చెప్పడానికి నీకు కొంచెం కూడా సిగ్గుగా అనిపించడం లేదా?
— YSR Congress Party (@YSRCParty) July 18, 2024
జిలాని కరుడుగట్టిన టీడీపీ కార్యకర్త.. కూటమి అధికారంలోకి వచ్చిన తర్వాత వినుకొండలో అతను చేసిన అరాచకాలు అన్నిఇన్ని కావు
టీడీపీ పెద్దల అండదండలతో ఇప్పుడు రాక్షసుడిలా మారి వైయస్ఆర్సీపీకి చెందిన రషీద్… https://t.co/sRNuDawtfg pic.twitter.com/lRYOvJc70x
టీడీపీ కూడా వైసీపీ ట్వీట్లకు కౌంటర్ ఇచ్చింది. చనిపోయింది, చంపింది ఇద్దరూ వైసీపీ నేతలేననేది టీడీపీ వాదన. వారిద్దరితో పీఎస్ ఖాన్ అనే రౌడీషీటర్ కి పరిచయం ఉందని, సదరు పీఎస్ ఖాన్, జగన్ కు సన్నిహితుడని టీడీపీ అంటోంది. జగన్ తో పీఎస్ ఖాన్ ఉన్న ఫొటోలను బయటపెట్టింది.
సిగ్గు గురించి నువ్వే మాట్లాడాలి.. పొద్దున్నే 3 గంటలకు వాట్సప్ కాల్స్ చేసి, బాబాయ్ని నరికించేసిన చరిత్ర నీది... దళితుడిని చంపి డోర్ డెలివరీ చేసిన వాడిని ఇంటికి పిలిచి భోజనం పెట్టిన సిగ్గు మాలిన రాజకీయం నీది.. డబ్బుల కోసం రాష్ట్రం మొత్తం స్కూల్ పిల్లలని గంజాయికి బానిస చేసిన నీచ… https://t.co/aed4q4rSMJ pic.twitter.com/0F8LQZnA4Q
— Telugu Desam Party (@JaiTDP) July 18, 2024
ఇక్కడ చనిపోయింది ఒక మనిషి, చంపింది మరో మనిషి, జరిగింది అమానుషం అనేది ఫైనల్. అయితే చనిపోయిన వ్యక్తి ఏ పార్టీ, చంపిన వ్యక్తి ఏ పార్టీ అనేది మాత్రమే సోషల్ మీడియాలో హైలైట్ అవుతోంది.